Германия терма жамоаси устози Юлиан Нагельсманн Испанияга қарши чорак финал учрашуви олдидан ўз фикрларини билдириб ўтди.
Германия ва Испания учрашуви 5 июль куни бўлиб ўтади.
"Ушбу ўйинга тайёргарлигимиз тугалланди. Ким майдонга тушиши ва кимлар захирада қолишига аллақачон қарор қилдик.
Кеча яккама-якка гаплашиб кўп видеолар кўрдик. Биз яхши тайёргарлик кўрдик ва яхши ўйин кўрсата олишимизга ишончимиз комил. Биз ярим финалга чиққан жамоалардан бири бўлишни истаймиз.
Испания ҳам чемпион бўлишни хоҳлайди, шунинг учун эртага қийин ўйин бўлади. Ҳар икки жамоа ҳам тўпга яхши эгалик қилади ва кучли прессингга эга.
Иккала жамоа ҳам рақибга босим ўтказиши мумкин. Шубҳасиз, бу энг муҳим ўйинлардан бири бўлади", - деди Нагельсманн.
