Бугун “Қўқон-1912” жамоасида йиғилиш бўлиб ўтди. Унда бир қатор ташкилий масалалар кўриб чиқилди.
Йиғишда жамоада катта мураббий сифатида фаолият олиб борган Баҳром Ҳайдаров бош мураббий этиб тайинланди.
Эндиликда унга “Локомотив” клуби ёшлар жамоасида фаолият олиб борган Арипов Рустам Абдурасулович ёрдам беради. Рустам Арипов Баҳром Ҳайдаров билан “Сурхон” жамоасида ҳам биргаликда фаолият олиб боргани қайд ўтиш лозим. Шунингдек, Раҳматжон Иноғомов ҳам мураббийлар штабида фаолиятини давом эттиради. Хуршид Хўжаев эса бундан буёғига дарвозабонлар билан ишлайдиган бўлди.
Шу вақтга қадар жамоада фаолият олиб борган жамоа бош мураббийи Муҳсин Низомиддинов, дарвозабонлар мураббийи Андрей Бакланов ва спорт директори Абдуваҳоб Аҳмадалиев билан дўстона хайрлашилди.
"Юқорида номи келтирилган мутахассисларга жамоамиздаги фаолиятлари учун катта миннатдорлик билдирамиз. Баҳром Ҳайдаровга мавсумнинг қолган қисмида улкан зафарлар тилаймиз ва бош мураббийимиз бошчилигида олдимизга қўйилган вазифани бажаришимизга ишонамиз." - дейилади қўқонликларнинг расмий баёнотида.
