Миш-мишлар узоқ вақтдан бери нигериялик ҳужумчи Виктор Осимхенни "Челси" билан боғлаб келади. Metro нашри ўз саҳифаларида Италиядаги манбаларга таянган ҳолда хабар беришича, "Наполи" Лондон клубини Осимхеннинг нархи 100 миллион еврога туширилгани ҳақида хабар берган.
Айтиш жоизки, 25 ёшли Осимхеннинг амалдаги шартномасида 130 миллион еврога сотиб олиш варианти мавжуд. Бироқ “Наполи” нигериялик футболчини арзонроқ нархга сотишга тайёр.
Қўшимча қиламиз, Ромелу Лукаку тескари йўналишда - "Челси"дан "Наполи"га кетиши мумкин. Бельгиялик футболчи Неаполга кўчиб ўтмоқчи ва у ерда мураббий Антонио Конте билан бирга ишламоқчи.
