«Милан»нинг 26 ёшли ҳимоячи ярим ҳимоячиси Исмоил Беннасер фаолиятини Саудия Арабистонида давом эттириши мумкин, дея хабар беради журналист Бен Жейкобс.

Манбага кўра, Жазоир терма жамоаси футболчиси Саудия чемпионатига ўтишга тайёр. Хабар қилинишича, унинг шартномасида товон пули банди бор. Шу билан бирга, агар келишув иккала томонга ҳам мос келмаса, у «Милан»да қолишга тайёр, аммо Беннасернинг клубни тарк этиши эҳтимоли юқори.

Беннасер жорий мавсумда барча турнирларда 25 та ўйинда майдонга тушиб, 2 та гол ва 2 та голли узатмага муаллифлик қилган. Футболчининг амалдаги клуби билан шартномаси 2027 йилнинг июнь ойи охиригача амал қилади.