"Челси" ярим ҳимоячиси Мойзес Кайседо "Брайтон"дан келганидан кейин биринчи мавсумдаги қийинчиликлари ҳақида гапирди. Лондонликлар эквадорлик футболчини ўтган йилнинг августида 116 миллион евро эвазига сотиб олганди.
Ярим ҳимоячи "кўклар" сафидаги дебют кампаниясида унга қўйилган умидларни оқлай олмади.
"Брайтон"да асосий эътибор тактикага, тўп билан ўйнашга қаратилди. Тактика, тактика, тактика. "Челси"да сиз югуришингиз ва югуришингиз керак эди ва бу мен учун жуда қийин эди. "Челси"да мен кўпроқ югуриш билан шуғулланишим керак эди, "Брайтон"да эса бизда доим тўп бор эди. Бутунлай бошқа футбол", - деди 22 ёшли футболчи.
