Энцо Мареска "Челси" бош мураббийи сифатида биринчи навбатда нима қилишини айтди.
Ўтган мавсумда "Лестер" билан чемпионликни қўлга киритган Мареска ёз бошида "Челси"дан келган таклифни қабул қилди ва энди янги жамоаси билан 2024/25 йилги мавсумга тайёргарликни бошламоқда.
Италиялик мутахассис “Челси” маданиятини ўзгартириш, қолаверса, жамоага мухлисларни хушнуд қиладиган тажовузкор футбол тақдим этишга бел боғлаган.
"Бундай бир пайтда, клубга келганингизда, клуб ва жамоа нимани яхшилаши ва тўғри иш қилиши кераклигини таҳлил қилишга ҳаракат қиласиз. Менимча, тез орада тўғри менталитет ва маданиятни шакллантиришимиз керак. Мухлислар ғурурланишлари мумкин бўлган маданият бу жуда муҳим.
Биз тўп билан ҳам, тўпсиз ҳам тажовузкор жамоа бўлишга ҳаракат қиламиз ва мухлислар ва клуб ўртасида алоқа ўрнатишимиз керак, айниқса уйда" - деди Мареска "Челси"нинг расмий сайтига.
