Германиялик ҳимоячи Вальдемар Антон бугун ўзининг янги клуби "Боруссия Дортмунд"га расман келиб қўшилди. Асли Ўзбекистонда туғилган ҳимоячи "арилар" футболчиси сифатида ўзининг биринчи шарҳини берди.

"Мен "Сигнал Идуна Паркда"ги биринчи ўйинимни, мухлислар ва жамоадошларимни интиқлик билан кутяпман. Аввалига клубни ўзгартириш ниятим йўқ эди, кейин эса Дортмунднинг "Боруссия" жамоасидан таклиф тушди. Чемпионлар лигаси финалига чиққан энг яхши клуб. Бу клубнинг қанчалик салоҳиятли эканлигини кўрсатади. Бошиданоқ "Боруссия"дагиларнинг барчаси менга ҳақиқатан ҳам мен билан шартнома имзоламоқчи эканликларини, мен жамоада муҳим ролни ўз зиммасига олишим мумкинлигини айтишди", — деди Антон клуб матбуот хизматига.