"Манчестер Сити"нинг собиқ футболчиси Майк Ричардс Англия терма жамоаси футболчилари Харри Кейн ва Фил Фоденлар олдида турган танқидлар ҳақида гапирди.
"Айни дамда ижтимоий тармоқларда Фоден ва Кейн ҳақида жуда кўп танқидлар бўлмоқда. Биламан, иккаласи ҳам Евродаги ҳолатидан кўра анча яхши ўйнай олади.
Лекин мен улар ўзлари учун эмас, тактик муаммо туфайли шундай кўринишга эга бўлишларини айтган бўлардим.
Уларни таркибдан чиқариб ташлайсизми? Имконият йўқ. Фоден ҳамон битта пас билан ҳимояни очадиган ёки тўғри рол берилса гол ура оладиган футболчидир", - дея Ричардснинг сўзларини келтиради BBC.
