Испания терма жамоаси Европа чемпионатининг илк финалчисига айланди. Ярим финалда Францияга қарши кечган баҳсда Луис де ла Фуэнте шогирдлари 2:1 ҳисобида иродали ғалабага эришди. Французлар сафида Рандал Коло-Муани, испанлар сафида эса Ламин Ямал ва Дани Ольмо гол уришди.
Чиройли гол уришга муваффақ бўлган Ямал финал ҳуштаги янграганидан сўнг учрашувнинг энг яхши футболчиси совринини қўлга киритди. Айтиш жоизки, Ламин 16 ёшида Евро-2024да бошқа ўйнамайди. Шанба куни, финалдан бир кун олдин Ямал ўзининг 17 ёшини нишонлайди.
Европа чемпионати финалида Испания кубок учун Нидерландия ёки Англия билан куч синашади. Финал 14 июль, якшанба куни бўлиб ўтади.