Испания терма жамоаси ҳимоячиси Начо Фернандес Евро—2024 ярим финалида Франция устидан қозонилган ғалабадан сўнг (2:1) ўз таассуротлари билан ўртоқлашди.
Испанияликлар 9-дақиқада гол ўтказиб юборишди, аммо ўйиндаги вазиятни ўзгартиришга муваффақ бўлишди.
Ламин Ямал ва Дани Ольмо гол уришди, уларнинг номи 21 ва 25-дақиқаларда таблода кўринди. Қолган вақтларда томошабинлар гол кўришмади.
"Биз Францияда ажойиб ўйинчилар борлигини билардик, лекин рақибдан кам эмаслигимизни ҳам билардик.
Мағлубиятга учраётганимизда, энг ёш футболчимиз вазиятни сақлаб қолди. Ажойиб гол! Агар даҳолар ҳақида гапирадиган бўлсак, эҳтимол Ламин Ямал улардан бири.
У 16 ёшли бола учун ақл бовар қилмайдиган нарсаларни қилди. Биз бахтлимиз, лекин қувончимизни назорат қиламиз", деди Начо ўйиндан кейинги интервьюсида.
