Тиаго Алькантара Ханс-Дитер Фликнинг «Барселона»даги мураббийлар штабига қўшилади.

Аввалроқ каталонияликлар бош мураббийи футболчилик фаолиятини яқинда якунлаган испанияликни ўз мураббийлар штабига таклиф қилгани ҳақида хабар берилганди.

"Diario Sport" хабарига кўра, Тиаго аллақачон ўз розилигини берган ва шартномани якунлаш устида иш олиб борилмоқда.

Собиқ футболчи яқин ёки ўрта муддатда олдида бошқа қийинчиликлар пайдо бўлиши мумкинлигини тушуниб, ўзини клуб билан «боғлашни» истамаяпти. Хансни бу шартлар қаноатлантирди, «Барса» эса Алькантарани жамоага мослаштиришнинг энг мақбул йўлини топишда давом этмоқда.

Манбага кўра, Тиаго муҳим инсон бўлади, айниқса мулоқот (у «Бавария»даги вақтидан бери немис тилини яхши билади) ва клубни билиш борасида. Бугун эрталаб у Ханс Флик қўл остида мавсумолди тайёргарликни бошлаган асосий жамоа футболчилари билан учрашди.