"Тоттенхэм"нинг ўнг қанот ҳимоячиси Эмерсон Роял "Милан"нинг унга бўлган қизиқиши ҳақидаги саволга жавоб берди.
Матбуотда тарқалган маълумотларга кўра, 25 ёшли бразилиялик футболчи "россонерилар" сафига ўтишга рози бўлган, бироқ А Серия клуби "шпорлар" билан трансфер шартлари бўйича ҳалигача келиша олмаган.
“Мен ҳар доим машғулотларда энг кўп куч сарфлайдиганлардан бири бўлганман. Мен захирада ўтиришга рози бўладиган футболчи эмасман. Мен ўйнашни хоҳлайман - агар "Тоттенхэм"да бўлмаса, бошқа жойда.
"Милан" - биз бразилияликлар учун мос жой. Бундай клуб менга қизиқиш билдираётганини билиш жуда ёқимли. Аммо келажагим қандай бўлишини ҳали билмайман, - деди Эмерсон Роял EPTV телеканалига берган интервьюсида.
