Нидерландия терма жамоаси бош мураббийи Рональд Куман Хави Симонснинг ўйини ва келажакдаги истиқболлари ҳақида фикр билдирди.
21 ёшли ярим ҳимоячи Евро-2024 ярим финалининг 7-дақиқасида Англия терма жамоаси дарвозасини ишғол қилди. Нидерландия ўз устунлигини сақлаб қола олмади, 18-дақиқада Гарри Кейн томонидан пенальти аниқ бажарилди, иккинчи бўлимнинг қўшиб берилган вақтида Олли Уоткинс инглизларга ғалаба келтирган голни киритди.
"Хави яхши ўйнади. У хавфли эди ва ажойиб гол урди. У ҳар доим қаттиқ ишлайди. Бизда шундай ўйинчи борлигидан хурсандман, чунки уни келажаги порлоқ", - деди Куман УЕФА расмий сайтига.
