"Астон Вилла" ҳужумкор ярим ҳимоячи Филиппе Коутиньонинг жамоани тарк этганини эълон қилди.
32 ёшли бразилиялик футболчи ижара асосида "Васко да Гама" клубига ўтди.
Шартнома бир мавсумга тузилган. Қайд этиш жоиз, ўтган мавсумда Коутиньо Қатарнинг “Ал-Дуҳаил” клубида ижара асосида ўйнаганди.
Энди футболчи ўз она клубига қайтади, чунки айнан Васко да Гамада Филипп катта футболдаги саёҳатини бошлаган.
Европада Филиппе Коутиньо бир қанча клубларда, хусусан, "Ливерпуль" ва "Барселона"да ўйнаган. Айтиш жоизки, бразилиялик футболчининг “Астон Вилла” билан шартномаси 2025/2026 йилги мавсум охиригача тузилганди.
