Англия терма жамоаси плей-оффнинг ҳар бир ўйинида ирода кўрсатишга мажбур бўлди.

Гарет Саутгейт шогирдлари кеча тунда Евро-2024 яримфиналининг 7-дақиқасида Нидерландияга ҳисобни очишга имкон беришди. Ярим ҳимоячи Хави Симонс гол урди. Баҳсда кейинчалик Харри Кейн ва Олли Уоткинс гол уриб, инглизларнинг ғалабасини таъминлади.

30 июнь куни инглизлар Словакия билан ўйинда биринчи бўлиб гол ўтказиб юборган бўлса-да, якунда иккита гол уриб, ғалаба қозонганди. Швейцария билан ўйинда ҳам улар ҳисобни тенглаштиришга мажбур бўлган ва якунда пенальтилар сериясида аниқроқ ҳаракат қилиб, кейинги босқичга чиққан.