Англия терма жамоаси Европа чемпионатининг иккинчи финалчисига айланди.
Ярим финалда Нидерландияга қарши кечган баҳсда Гарет Саутгейт шогирдлари 2:1 ҳисобида зафар қучди.
Коул Палмернинг жарима майдончаси томон йўналтирган узатмасини Олли Уоткинс сўнгги дақиқаларда голга айлантирди.
Ўйиндан сўнг Уоткинс Палмернинг пасини футбол майдонига чиқмасданоқ башорат қилганини айтди.
"Мен унга айтдим: Биз ҳозир майдонга чиқамиз, сен мени пас билан таъминлайсан. Тўпни қўлга киритиши биланоқ у тўпни менга узатишини билардим.
Тўп пастки бурчакка учиб борганида, бу энг ажойиб туйғу эди", - дея Уоткинснинг сўзларини келтиради УEФА сайти.
