"Аталанта" ва "Атланта" Алексей Миранчукнинг трансфери бўйича музокаралар олиб бормоқда.
"Атланта Юнайтед" директори россиялик ярим ҳимоячини сотиб олиш бўйича музокаралар олиб бориш учун Италияга учиб кетди, деб хабар беради Фабрицио Романо.
Италия клуби футболчини 15 миллион еврога баҳоламоқда. Америкаликларнинг дастлабки таклифи Бергамоликларга маъқул келмади.
Олдинроқ МЛС клуби ярим ҳимоячини 11 миллион евро эвазига сотиб олмоқчи экани хабар қилинганди. Футболчининг ўзига йилига тахминан 3 миллион евро маош билан тўрт йил муддатга шартнома таклиф қилишган.
