"Манчестер Юнайтед" ёзда учта марказий ҳимоячини сотиб олишга ҳаракат қилмоқда.
"Манестер Юнайтед" ёз бошида Рафаэль Варан билан хайрлашди. Шу билан бирга, Гарри Магуайр ва Виктор Линделёфнинг "Олд Траффорд"даги келажаги шубҳа остида қолмоқда ва Жонни Эванснинг июнь охирида тугаган шартномаси ҳалигача узайтирилмаган.
Марказий ҳимоячилар орасида "Манчестер Юнайтед" бош мураббийи Эрик Тен Хаг фақат Лисандро Мартинесга таяниши мумкин, аммо у жароҳати туфайли ўтган мавсумнинг кўп қисмини ўтказиб юборди.
Шу боис "МЮ" бирданига учта янги футболчини олиб келмоқчи, деб хабар беради Sky Sports. Улардан биринчиси "Бавария" аъзси Маттейс Де Лигт бўлиши кутилмоқда.
"Манчестер Юнайтед" "Бавария" билан ижобий музокаралар олиб борди ва 24 ёшли нидерландиялик футболчи Манчестерга ўтишига рози бўлди.
Бунга параллель равишда "Манчестер Юнайтед" бошлиқлари ўз клуби 50 миллион фунт стерлинглик таклифи муваффақиятсизликка учраган 22 ёшли Жаррад Брентуэйт учун учинчи таклифни илгари сурадими ёки йўқлигини муҳокама қилишмоқда.
"Манчестер Юнайтед"нинг учинчи мақсади - Лени Йоро. 18 ёшли франциялик футболчи "Реал"ни афзал кўради, аммо "қизил иблислар" қатъиятли ва унинг нархини 42 миллион фунтга келишиб олишди.
