"Кристал Пэлас" ҳимоячиси Марк Гехи Англия терма жамоаси билан U-17 жаҳон чемпионатида ғалаба қозониш тажрибаси Евро-2024да ғалаба қозонишига ёрдам беришига умид қилмоқда.
Келаси якшанба куни Англия терма жамоаси Евро-2024 финалида Испанияга қарши майдонга тушади. Плей-оффнинг аввалги барча босқичларида – 1/8, 1/4 ва 1/2 финалларда Англия биринчи бўлиб гол ўтказиб юборган, аммо якунда улар ғалаба қозонишган.
Ушбу турнир кўп жиҳатдан Гехига етти йил аввал ўша ёшлар ўртасидаги жаҳон чемпионатини эслатади, ўшанда финалда инглизлар тенгдошлари Испанияга қарши ўйнаганди.
Ўшанда инглизлар ҳам биринчи бўлиб икки марта тўп ўтказиб юборишди, аммо якунда 5:2 ҳисобида ғалаба қозонишди ва Гехи жамоасининг голларидан бирини киритди.
"Менда 2017 йил жуда яхши хотиралар бор. Биз Испанияда жуда яхши жамоага қарши ўйнадик. Ўша футболчиларнинг баъзилари ҳозир бу ерда ўйнашмоқда.
Эсимда, биз танаффус арафасида гол уриб, туннелдан пастга тушаётган эдик ва улар хафа бўлишди. Ўйлайманки, ўша пайтда биз ўйинни ўзгартирдик. Бу жамоамизнинг ўша пайтдаги чидамлилигини кўрсатади.
У ердаги барчамиз учун ажойиб хотира бўлди: мен, Фил Фоден, Конор Галлахерда. Умид қиламанки, бу ерда ҳам шундай бўлади.
Ёшлигимда ўша турнирда қатнашиш ва оиламдан узоқ вақт узоқда бўлиш тажрибаси уйни кўп соғинмасликка ёрдам беради, чунки сиз бунга кўникиб қолгансиз", — деди Гехи The Independent билан суҳбатда.
