Бугун тонгда Америка кубоги-2024 мусобақасида учинчи ўрин учун кураш бўлиб ўтди. Ушбу ўйинда Уругвай ва Канада терма жамоалари тўқнаш келишди. Учрашувнинг асосий вақти 2:2 ҳисобида дуранг билан якунланган бўлса, пенальтилар сериясида уругвайликлар аниқроқ бўлишди – 4:3.
Эслатиб ўтамиз, Уругвай асосий вақтда мағлубиятга яқин эди. Луис Суарес қўшиб берилган вақтда гол уриб жамоасини қутқариб қолди. Муваффақиятли ўйини туфайли тажрибали форвард учрашувнинг энг яхши футболчиси совринини қўлга киритди.
Эслатиб ўтамиз, Аргентина ва Колумбия терма жамоалари Америка кубоги финал учрашувида майдонга тушади. Учрашув 15 июль тонгида бўлиб ўтади.
