Якшанба куни Берлиндаги Олимпия стадионида Европа чемпионати финалида Испания ва Англия терма жамоалари ўзаро баҳс олиб бормоқда. Гарчи ўйинни зерикарли деб бўлмаса-да, биринчи таймдан кейин таблонда ноллар порламоқда.
Айтиш жоизки, ўйин олдидан Евро кубогини Италия терма жамоасининг собиқ футболчиси Жоржио Кьеллини майдонга олиб чиқди. Шу билан бирга, Англия мухлислари италияликни ҳуштак чалиб қарши олишди.
Эҳтимол, инглизларнинг ҳуштак чалиши ўтган Европа чемпионати финалида Италия айнан Англияни мағлуб этгани билан боғлиқ бўлса керак. Ўшанда жамоалар 1:1 ҳисобида дуранг ўйнаган, шундан сўнг "скуадра адзурра" пенальтилар сериясида ғалаба қозонган.
