Рекорд қайд этган Испания, омадсиз Саутгейт, “анъанасини” давом эттираётган Кейн. Евро

Европа Чемпионати финалида Испания ва Англия терма жамоалари ўзаро тўқнаш келди.

Учрашув испанларнинг 2:1 ҳисобидаги ғалабаси билан якунланди. Испания таркибида Нико Уильямс ва Микель Ойарсабаль гол урган бўлса, инглизлар сафида Коул Палмер ягона гол муаллифига айланди.

Нико Уильямс финалнинг энг яхши футболчиси бўлди.

17 ёшли Ламин Ямал эса турнирнинг энг яхши ёш футболчиси совринини қўлга киритди.

Испания терма жамоаси ва “Манчестер Сити” ярим ҳимоячиси Родри турнирнинг энг яхши футболчисига айланди.

Турнир финалчилари Испания ва Англия терма жамоаларига оид маълумотлар:

— Испания ўз тарихида 4 марта қитъа турнирида зафар қучди — 1964, 2008, 2012 ва 2024. Бу борада испанлар етакчи ҳисобланади. Германия терма жамоаси 3 марта турнирда ғалаба қозонган бўлса, Италия ва Франция 2 мартадан совринни қўлга киритган.

— Англия 58 йилдан буён йирик турнирларда ғалаба қозона олмаяпти. Инглизлар томонидан қўлга киритилган ягона турнир — 1966 йилги Жаҳон Чемпионати эди.

— 2016 йилдан буён Англияни бошқариб келаётган Гарет Саутгейт Евролар тарихида икки марта финални бой берган илк мураббийга айланди. Англия 2021 йилги турнирда Италияга пенальтилар сериясида мағлуб бўлганди.

— Испания Евро—2024 мусобақасидаги барча 7 ўйинда ғалаба қозонди. Де ла Фуэнте шогирдлари финалга қадар Хорватия, Италия, Альбания, Грузия, Германия ва Франция каби жамоалардан устун келди. Бу Европа Чемпионати рекорди ҳисобланади.

— Шунингдек, Испания финалга қадар етиб борган 4 та йирик турнирда ғалаба қозонган илк терма жамоага айланди. Бунга қадар испанлар 2008 ва 2012 йилги Еврода, 2010 йилги Жаҳон Чемпионатида шоҳсупага кўтарилган.

— Ҳарри Кейн яна бир бор соврин қўлга киритиш имкониятидан маҳрум бўлди. Ҳарри фаолияти давомида бирорта соврин ютмаган. Ҳужумчи икки марта Европа Чемпионати финалида иштирок этган, “Тоттенҳэм” билан биргаликда эса Чемпионлар Лигаси ва Англия Лига Кубоги финалига қадар етиб борган.

Тизимга кириш
Эл. почта:
Пароль:
	Эсда сақлаш

регистрация \| паролни тиклаш

22/12 00:45	Лечче	1-2	Лацио
22/12 01:00	Барселона	1-2	Атлетико
22/12 16:30	Рома	5-0	Парма
22/12 18:00	Валенсия	2-2	Алавес
22/12 19:00	Фулхэм	0-0	Саутгемптон
22/12 19:00	Лестер	0-3	Вулверхэмптон
22/12 19:00	Ман. Юнайтед	0-3	Борнмут
22/12 19:00	Эвертон	0-0	Челси
22/12 19:00	Венеция	2-1	Кальяри
22/12 20:15	Реал Мадрид	4-2	Севилья
22/12 21:30	Тоттенхэм	3-6	Ливерпуль
22/12 22:00	Аталанта	3-2	Эмполи
22/12 22:30	Леганес	2-5	Вильярреал
22/12 22:30	Лас-Пальмас	1-0	Эспаньол
23/12 00:45	Монца	-	Ювентус
23/12 01:00	Бетис	-	Райо Вальекано
23/12 22:30	Фиорентина	-	Удинезе
24/12 00:45	Интер	-	Комо

Рекорд қайд этган Испания, омадсиз Саутгейт, “анъанасини” давом эттираётган Кейн. Евро—2024 финалига оид рақамлар ва фактлар

ЭНГ КЎП ЎҚИЛГАН ЯНГИЛИКЛАР