Испания терма жамоаси Европа чемпиони бўлди.
Кубок учун кечган сўнгги жангда Луис де ла Фуэнте шогирдлари Англияни 2:1 ҳисобида мағлуб этишди.
Ўйиндан сўнг "Қизил фурия" сардори Альваро Мората ўз фикрларини билдирди.
"Бизга ишонган одамларга раҳмат. Ижобий хабарлар ижобий нарсаларга олиб келади. Умид қиламанки, одамлар бу жамоа билан фахрланади.
17 ёшли, 21 ёшли йигитларимиз бор... Турнир бошидаёқ таркибимизда юлдузлар кўплигини айтгандим.
Кубок кўтариш? Ёшлар жамоасида ўйнай бошлаганимдан бери ҳамиша бу ҳақда ўйлаганман. Мен барча шерикларимга раҳмат айтишим мумкин", - деди Мората.
