Испания терма жамоаси тўрт карра Европа чемпиони бўлди.
Турнир финалида Луис де ла Фуэнте шогирдлари Англияни 2:1 ҳисобида мағлуб этишди. Марк Кукурельянинг чап қанотдан узатмасидан сўнг яқин масофадан аниқ зарба йўллаган Микель Оярсабаль ғалаба тўпини киритди.
Финал жангидан сўнг Оярсабаль ўзининг ҳал қилувчи голли зарбаси ҳақида фикр билдирди.
"Мен ўз вазифамни бажардим: ғалаба голини уриш бахтига муяссар бўлдим. Мақсадга эришишда омадингиз келганида, бу яхши, албатта.
Жароҳатим туфайли қийин даврни бошдан кечирдим, шунинг учун бу қувонч мен учун алоҳида аҳамиятга эга", - деди Оярсабаль.
