"Тоттенхэм" ҳимоячиси Эмерсон Роялнинг "Милан"га трансфери амалга ошмай қолиши мумкин.
"Россонерилар" бир неча ҳафта олдин бразилияликнинг ўзи билан келишувга эришган, аммо улар "шпорлар"ни ишонтира олишмаган. Инсайдер Фабрицио Романо хабарига кўра, клублар ўртасидаги музокаралар боши берк кўчага кириб қолган. “Тоттенхэм” А Серия грандларининг иккита таклифини рад этишга улгурди - лондонликлар 25 ёшли футболчи учун 20 миллион евродан кўпроқ сўрашмоқда.
Яқинда берган интервьюсида Эмерсон "Тоттенхэм"даги ўринбосар ролидан мамнун эмаслигини, аммо "Милан"нинг қизиқишидан мамнунлигини тан олганди.