Жордан Пикфорд Гарет Саутгейтнинг Англия терма жамоасини тарк этишига изоҳ берди.

Саутгейт Англия терма жамоасини 2016 йилдан буён бошқариб келаётганди. Унинг терма жамоа бош мураббийи сифатидаги сўнгги ўйинида Евро-2024 финалида Испаниядан мағлуб бўлди (1:2).

"Ёқимсиз хабар. Бу узоқ вақт давомида оғриқ келтиради. Евро-2024 турнирида бизни қўллаб-қувватлаган барчага миннатдорчилик билдираман ва барча жамоадошларим ва ходимларимга қилган ишлари учун раҳмат айтмоқчиман.

Шунингдек, мураббийга доим менга ишонгани учун алоҳида раҳмат айтмоқчиман ва кейинги қадамларида омад тилайман. Гаретга раҳмат", - деб ёзди Англия терма жамоаси ва "Эвертон" дарвозабони.