"Кристал Пэлас"нинг янги аъзоси Даичи Камада нима учун "Лацио"да ўзини кўрсата олмаганини тушунтирди.

"Лацио"да мендан кўп нарса кутилаётганини дарҳол ҳис қилдим. Италияда ҳамма футболга иштиёқи баланд, бу ажойиб, лекин мендан А Сериянинг энг яхши ярим ҳимоячиси бўлган Сергей Милинкович-Савични ўрнини босишни талаб қилишди, чунки мен унинг ўрнига олиб келинганман. Менинг ҳаракатларим етарли эмаслигини ҳис қилдим.

Ҳар сафар мағлубиятга учраганимизда бизга норозилик билдиришарди. Эшитишимча, Премьер-лигада ҳаммаси бошқача - бу ерда мухлислар сизни қўллаб-қувватлашади", - дея Камада сўзларини келтиради журналист Альфредо Педулла.