Ярим ҳимоячи Ассан Уэдраого нима учун "Бавария"га эмас, балки "РБ Лейпциг"га ўтишга қарор қилганини тушунтирди.

“Мен ҳеч қайси клубга қарши эмас, балки “РБ Лейпциг” фойдасига қарор қилдим. Ҳамма нарса тезда содир бўлди. “Шальке” спорт директорини биламан, биз ҳар доим яхши муносабатда бўлганмиз, шунинг учун музокаралар чўзилмади. Мураббий Марко Розе билан телефон орқали суҳбатдан сўнг, бу лойиҳа менга тўғри келганини ҳис қилдим. Бу ерда мен ўзимни яхшилай оламан ва юқори савияда ўйнай оламан. Мени пул қизиқтирмасди - мен фақат ўз ривожланишим ҳақида ўйлардим", - деди Уэдраого SportBild нашрига берган интервьюсида.