"Манчестер Юнайтед" Леверкузеннинг "Байер" клуби марказий ҳимоячиси Жонатан Тани ўз сафига қўшиб олмоқчи, дея хабар беради Sky Sports нашри.
Манбага кўра, "қизил иблислар" ҳалигача "Бавария" билан ҳимоячи Матиас де Лигтнинг трансфери бўйича келишувга эриша олишмаяпти. Футболчининг инглиз клуби билан шахсий шартномаси аллақачон келишиб олинди, келишув 2029 йилнинг ёзига қадар амал қилади. "Бавария" "Манчестер Юнайтед"дан 50 миллион евро + бонуслар талаб қилмоқда.
Шу сабабдан "Манчестер Юнайтед" бир вақтнинг ўзида Та билан боғланди, унга "Бавария" ҳам қизиқмоқда.
28 ёшли Жонатан Та 2015 йилда Гамбургдан Леверкузеннинг "Байер" клубига ўтган эди. Бу даврда у барча турнирларда 353 та учрашувда қатнашиб, 14 та гол ва 12 та голли узатмани амалга оширган. Танинг "доришунослар" билан амалдаги шартномаси 2025 йилнинг ёзига қадар амал қилади.
