"Бордо" клубни банкрот деб топиш ва тугатиш ҳақида ариза бериши мумкин.

Foot Mercato хабарига кўра, клуб банкротлик тўғрисида ариза беришга яқин турибди. "Бордо" ва "Ливерпуль"га эгалик қилувчи Американинг Fenway Sports Group гуруҳи ўртасидаги музокаралар муваффақиятсиз якунланди.

Лига 2 клуби қарзларини тўлаш учун тезда 40 миллион евро топиши керак. Агар бу амалга ошмаса, "Бордо" клубни банкрот деб топиш ва тугатилиш ҳақида ариза бериши мумкин.

Янгилик эълон қилингандан сўнг, "Бордо"нинг фаол мухлислари бўлган "Ультрамаринес" матбуот баёноти билан чиқиб, клубни қутқариш учун ҳамма нарсани қила оладиган ҳар қандай одамни ёрдамга чақирди.