Анхель Ди Мариянинг рафиқаси ярим ҳимоячининг терма жамоадаги фаолиятини якунлагани ҳақида гапирди.
Колумбияга қарши Америка кубоги финали Ди Мария учун Аргентина термасидаги сўнгги ўйини бўлди.
"Раҳбарият унинг Аргентина либосида хайрлашув ўйини ўтказишни хоҳлашларини эшитдим. У Чилига қарши яна 11 дақиқа ўйнай оладими, билмайман, лекин уни кўришни ҳоҳловчилар ҳам бунга лойиқ.
Агар шундай бўладиган бўлса, у жуда хурсанд бўлади, чунки мухлислар уни кутиб олишни хоҳлашади", - деди Хорхелина Кардосо.
Аргентина ЖЧ-2026 саралаши доирасида ўз майдонида Чили билан ўйнайди. Ўйин 5 сентябрь куни бўлиб ўтади.
