Германия терма жамоасининг собиқ бош мураббийи Йоахим Лёв Англия терма жамоасини бошқаришга даъвогарлик қилмоқда.
The Sun нашри хабарига кўра, 64 ёшли мутахассис Гарет Саутгейт кетганидан кейин бу лавозимни эгаллашга қизиқмоқда.
Аввалроқ бу лавозимга Эдди Хау, Грэм Поттер ва Ли Карсли даъвогар экани хабар қилинганди. Англия терма жамоаси ҳам Юрген Клоппни таклиф қилмоқчи, аммо германиялик мутахассис ишдан танаффус қилмоқчи.
Германия терма жамоаси бошчилигида Лёв 2014 йилги Жаҳон чемпионатида ғолиб чиқди, шунингдек, Евро-2008 кумуш медали ва 2010 йилги Жаҳон чемпионатининг бронза медали совриндори бўлди.