Germaniya terma jamoasining sobiq bosh murabbiyi Yoaxim Lyov Angliya terma jamoasini boshqarishga da’vogarlik qilmoqda.
The Sun nashri xabariga ko‘ra, 64 yoshli mutaxassis Garet Sautgeyt ketganidan keyin bu lavozimni egallashga qiziqmoqda.
Avvalroq bu lavozimga Eddi Xau, Grem Potter va Li Karsli da’vogar ekani xabar qilingandi. Angliya terma jamoasi ham Yurgen Kloppni taklif qilmoqchi, ammo germaniyalik mutaxassis ishdan tanaffus qilmoqchi.
Germaniya terma jamoasi boshchiligida Lyov 2014 yilgi Jahon chempionatida g‘olib chiqdi, shuningdek, Yevro-2008 kumush medali va 2010 yilgi Jahon chempionatining bronza medali sovrindori bo‘ldi.
