"Атлетико Мадрид" президенти Энрике Сересо Жоау Феликснинг жамоага қайтиши ҳақида гапирди.

Португалиялик футболчи "Барселона"да ижара асосида ўтказган бир мавсумдан сўнг "матрасчилар"га қайтади. Форвард доимий равишда Каталония клубига ўтишни афзал кўришини тан олди, аммо у "Атлетико"да янги мавсумга тайёргарлик кўрадиганга ўхшайди.

“Биз Феликснинг бизга қўшилишини кутмоқдамиз, чунки у бизнинг футболчиларимиздан бири. Жоау ажойиб футболчи. У қаерга бормасин муваффақиятга эришади, шубҳасиз. Ҳозир биз унинг нима истаётганини тушунишимиз керак”, - деди Сересо испан журналистларига берган интервьюсида.