"Манчестер Юнайтед" бразилиялик вингер Антони борасидаги келажак режалари ҳақида бир қарорга келди.
ESPN нашри хабарига кўра, "манкунианликлар" 24 ёшли футболчининг маоши тўлиқ қопланган тақдирда уни ижарага бериш вариантини кўриб чиқишга тайёр. Бразилиялик футболчининг маоши ҳафтасига 83 минг еврони ташкил қилади.
Манбанинг таъкидлашича, "қизил иблислар" ҳали футболчини тўлиқ сотиш вариантини кўриб чиқмаяпти. Ўтган мавсумда Антони "манкунианликлар" сафида 38 та ўйинда қатнашиб, 3 та гол ва 2 та голли узатмага муаллифлик қилган. Унинг "Манчестер Юнайтед" билан шартномаси 2027 йилнинг ўрталарига қадар тузилган ва унинг бозор нархи 25 миллион еврони ташкил қилади.
