Томас Мюллер ўзини Лионель Месси ва Зинедин Зиданга қиёслаган.
"Мен учун энг муҳими статистика эмас, балки жамоам, клубим ва мухлисларим билан биргаликда бошдан кечиришим мумкин бўлган умумий таассуротлар ва лаҳзалардир. Футболнинг сеҳри ҳам эстетика ва нафисликда.
Бир пайтлар менинг голлар статистикам Зинедин Зиданникидан яхшироқ эканини ўқигандим. Лекин ўйин сеҳрига кўра, Месси ва Зидан каби сеҳргарлар мендан бутунлай фарқ қилади.
Голлар ёки унвонлар ҳақидаги фактлар, албатта, муҳим омил ҳисобланади. Лекин охир-оқибат, футбол бундан ҳам кўпроқ нарсаларни ўзида акс эттиради.
Ташқаридан қараганда, Месси майдонни жуда кўп вақт юриб ўтказадиганга ўхшайди, лекин у буни тўғри жойларда қилади, у турбо моторларни ёқади ва дарвозага хавф туғдиради.
Бу борада ундан ҳеч ким ўтиб кета олмайди", - деди “Бавария” ярим ҳимоячиси Bild нашрига берган интервьюсида.
