"Милан"нинг италиялик собиқ устози Фабио Капелло "Удинезе"да ўзини яхши кўрсатган сербиялик ярим ҳимоячи Лазар Самарджични жамоага таклиф қилиш ғоясини қўллаб-қувватламоқда.
Унинг фикрича, Самарджич "Милан"нинг янги португалиялик мураббийи Паулу Фонсека бошқарадиган жамоа ва ўйинга жуда мос тушади.
"Агар "Милан" "Интер"га етиб олишни истаса, унда Самаржич керак. У истеъдодли, гарчи бироз беқарор бўлса ҳам. Ишончим комилки, Фонсекада у билан ҳеч қандай муаммо бўлмайди", - дея Капеллонинг сўзларини келтиради pianetamilan.it.
Эслатиб ўтамиз, Италия чемпионати 17 август куни бошланади.
