Мюнхеннинг «Бавария» клуби директорлар кенгаши аъзоси Ули Хёнесс Альфонсо Дэвиснинг аҳволи ҳақида гапирди.
Аввалроқ матбуот 23 ёшли канадалик Мюнхен клубидан таклиф қилинганидан анча юқори маош талаб қилаётгани ҳақида ёзган эди. Дэвиснинг амалдаги шартномаси яна бир мавсум, 2025 йилнинг ўрталарига қадар мўлжалланган.
«Биз унга аниқ айтдикки, агар у янги шартнома имзоламаса, амалдаги шартнома муддати тугагунча кутишни афзал кўрамиз. У бундан катта пул олмайди», - деди Хёнесс.
Альфонсо Дэвис «Бавария» сафида 195 та ўйин ўтказиб, 11 та гол урган ва 31 та голли узатмани амалга оширган.
