Ҳужумчи Ансу Фати "Барселона"да ўзини кўрсатиш учун янги имкониятга эга бўлиши мумкин.
21 ёшли футболчи "Брайтон"да унчалик муваффақиятли мавсум ўтказмади - испаниялик футболчи "чайкалар"да ижара асосида ўйнади. ОАВда "Барселона"нинг энди ўз салоҳиятини рўёбга чиқара олмайдиган Фати билан хайрлашишга тайёрлиги ҳақида бир неча бор маълумотлар пайдо бўлди, аммо энди вазият янги тус олмоқда. Журналист Адриан Санчеснинг фикрича, Каталония клуби Ансу янги мавсумда ўзини кўрсатиш имкониятига лойиқ деб ҳисобламоқда. Форвард бу ёзда жамоани тарк этмаслиги эҳтимоли юқори.
Ансу Фатининг "Барселона" билан шартномаси 2027 йилгача мўлжалланган.
