"Милан" Лазар Самарджични сотиб олмоқчи.
Calciomercato нашри хабарига кўра, "россонерилар" сўнгги кунларда ярим ҳимоячи вакиллари билан истиқболли алоқаларга эга. Бугун миланликлар расман "Удинезе" менежерлари билан боғланишади.
"Милан" 15 миллион евро атрофида бошланғич таклиф билан чиқади. Қайд этилишича, "Удинезе" Самарджичга қизиқиш билдирган пайтда “Лацио” ва “Фенербахче”дан яна 10 миллион талаб қилишган. Шу сабабли "қизил-қоралар" ўз футболчиларидан бирини келишувга қўшишлари мумкин.
Ярим ҳимоячининг ўзи "Милан"га ўтишга тайёр, чунки у Чемпионлар лигасида ўйнашни хоҳлайди.
Ўтган мавсумда Сербия терма жамоаси футболчиси А Сериянинг 34та учрашувида қатнашиб, 6та гол урган.
