"Манчестер Сити" бош мураббийи Пеп Гвардиола Жеймс Макатининг истиқболлари ҳақида гапирди.
21 ёшли ярим ҳимоячи ўтган мавсумни "Шеффилд Юнайтед"да ижара асосида ўтказди. Афтидан, “шаҳарликлар” устози англиялик футболчига ўзини юқори савияда кўрсатиш учун имконият беришга тайёр.
"Мен Макати янги мавсумда жамоамизда бўлишини истардим. Мен уни сақлаб қолишдан хурсанд бўлардим.
Жеймс - тор жойларда, одатда бизда унчалик кўп бўлмаган коридорларда ишлай оладиган ўзига хос йигит. Мен у ҳақида жуда илиқ фикрдаман, унинг улкан салоҳияти ҳақида биламан”, деди Гвардиола Шотландия “Селтик”ига қарши мавсумолди ўртоқлик учрашуви арафасида ўтказилган матбуот анжуманида.
