"Барселона" "Лейпциг" ва Испания терма жамоаси ҳужумчиси Дани Ольмога трансфер таклифини юборди, деб хабар беради Mundo Deportivo нашри. Манбага кўра, Каталония клуби футболчининг агентлари билан боғланиб, олти йиллик шартнома таклиф қилган.
Ольмо 2020 йилдан буён "Лейпциг"да ўйнаб келмоқда ва жамоа билан икки марта Германия кубоги ва бир марта Германия Суперкубогини қўлга киритди. Ўтган мавсумда Ольмо "Лейпциг" таркибида 25 та ўйинда майдонга тушиб, 8 та гол урди ва 5 та голга ассистентлик қилди. 2007-2014 йилларда Ольмо "Барселона" академиясида таҳсил олди, сўнгра Загребнинг "Динамо" клубига ўтди ва у ерда 2015-2020 йилларда ўйнаб, беш карра Хорватия чемпиони бўлди ва уч марта мамлакат кубогини қўлга киритди.
Ольмо Испания терма жамоаси билан биргаликда 14 июндан 14 июлгача Германияда бўлиб ўтган Европа чемпионига айланди. Турнирда Ольмо учта гол урди ва турнирнинг энг яхши олтита тўпурари қаторидан жой олди. Шунингдек, Ольмо Испания терма жамоаси таркибида 2023 йилда Миллатлар лигасида ғолиб чиқди. 26 ёшли футболчининг бозор қиймати 60 миллион еврога баҳоланмоқда.
