Мэйсон Гринвуд “Манчестер Юнайтед”ни расман тарк этди. Ҳужумчи мавсумни “Хетафе”да ижара асосида ўтказганидан сўнг, Лига 1 вакили “Марсель” билан шартнома имзолади.
Telegraph хабарига кўра, Лига 1 клуби 22 ёшли футболчи учун 19,9 миллион фунт стерлингни олдиндан тўлаган, қўшимча равишда 6,7 миллион фунт стерлинг бонус тўлайди.
Агар Гринвуд француз клубида уч мавсум қолса, бу қўшимча тўловларнинг ярми (тахминан 3,4 миллион фунт стерлинг) "қизил иблислар"га тўланади.
"Манчестер Юнайтед" шунингдек, Гринвуднинг потенциал трансферидан даромад олишига ишонч ҳосил қилди ва уларга келажакдаги ҳар қандай сотишдан тушган фойданинг 50 фоизини олиш ҳуқуқини берувчи бандни киритди.
