Каталониянинг "Барселона" клуби янги бош мураббий Ханс-Дитер Фликнинг футболчига ишонч билдирганига қарамай, польшалик ҳужумчи Роберт Левандовски билан эрта хайрлашиши мумкин.

Todofichajes нашри хабарига кўра, 35 ёшли футболчининг шартномасида унинг меҳнат шартномасини бекор қилиш имконини берувчи банд бор. Агар Роберт келаси мавсумда "Барселона"нинг 55% ўйинида майдонга тушмаса, буни амалга ошириш мумкин бўлади. Робертнинг "кўк-анорранглилар" билан амалдаги шартномаси 2026 йилнинг ўрталарига қадар тузилган.

У каталонияликлар сафида 2022 йилнинг ёзидан буён ўйнамоқда. Ўтган мавсумда форвард Ла Лигада 35 ўйин ўтказиб, 19 гол урди ва 8 голга ассистентлик қилди.