Мадриднинг «Реал» клуби Кепа Аррисабалага шартномасига Андрей Лунинни қўшиши мумкин.

"AS" хабарига кўра, украиналик дарвозабон Тибо Куртуа қайтганидан сўнг ўйин вақти сезиларли даражада кам бўлишини тушуниб, «Реал»дан кетишга мойил. Бироқ клуб Лунинни алмаштирсагина уни қўйиб юборишга тайёр – олдинги мавсумни «Реал»да ижара асосида ўйнаган Кепа Ариисабалаганинг қайтиши эҳтимоли юқори.

Қайд этилишича, «Челси» Лунинни сотиб олиш имкониятини кўриб чиқмоқда, шу муносабат билан «Реал» Кепани қўшимча тўлов эвазига алмаштиришга рози бўлишга тайёр. Айни дамда лондонликлар Лунин борасида расмий таклиф билан чиқишмаган.

Аввалроқ, «Реал» Лунинни 30 миллион еврога баҳолагани ҳақида маълумот пайдо бўлганди. Маълумки, Кепа «Челси» билан АҚШдаги мавсумолди турнега учмаган ва «Реал Мадрид»га қайтишни истайди.