"Манчестер Юнайтед" бош мураббийи Эрик тен Хаг сўнгги икки ой ичида содир бўлган воқеалар ҳақида гапирди.

Май ойи охирида "қизил иблислар" финалда "Манчестер Сити"ни мағлуб этиб (2:1) Англия кубоги соҳибига айланишди. Тен Хагнинг "Манчестер Юнайтед"даги келажаги сўроқ остида эди, аммо якунда клуб мутахассис билан ҳамкорликни давом эттиришини эълон қилди - бу асосан мавсумнинг сўнгги ўйинидаги ғалаба эвазига.

"Мен бутун фаолиятим давомида қилган ишни қилдим, мен ҳар доим ўзимга ишонишда давом этдим, бунинг учун охирида мукофотландим. Энди янги мавсум, биз ўтмишни ортда қолдириб, фақат келажак ҳақида ўйлаяпмиз. Бу ажойиб лойиҳа, мен 100% аминман”, деди Тен Хаг матбуот анжуманида.