Германия чемпиони “Байер” жума оқшомида ўртоқлик учрашуви ўтказди. “Доричилар”нинг рақиби Германия учинчи дивизиони “Рот-Вайсс Эссен” клуби бўлди.
Учрашув 2:1 ҳисобида "Байер" фойдасига ҳал бўлди. Леверкузенликларнинг голларига Натан Телла ва Патрик Шик муаллифлик қилишди.
Эътибор беринг, бу ўйин "Байер" учун икки ойдан кўпроқ вақт ичида биринчи бўлди. Хаби Алонсо шогирдлари охирги марта 25 май куни Германия кубоги учун “Кайзерслаутерн” билан ўйинда майдонга тушганди.
"Байер"нинг янги футбол мавсуми 17 август куни Германия Суперкубоги учун "Штутгарт"га қарши ўйинда бошланади.
