Бразилиялик ҳужумчи Эндрик "Реал Мадрид"даги тақдимот маросимидан олдин тиббий кўрикдан ўтиш учун етиб келди. Ҳужумчи бугун, 27 июль куни Тошкент вақти билан соат 15:00да "Қироллик клуби" футболчиси сифатида таништирилади.
Эслатиб ўтамиз, Эндрик Мадрид гранди билан 2030 йилнинг ўрталарига қадар узоқ муддатли меҳнат шартномаси имзолаган эди. "Реал"га ўтишдан олдин ҳужумчи ўз ватанида "Палмейрас" сафида ўйнаган.
У Бразилия жамоаси сафида жами 80 та ўйин ўтказиб, 21 та гол ва 4 та голли узатмани амалга оширган. Transfermarkt портали Эндрикнинг бозор қийматини 60 миллион еврога баҳоламоқда.
