"Реал Мадрид" бугун ҳужумчи Эндрикни таништирди. Тақдимот маросимида 18 ёшли футболчи ўз фикрларини билдириб ўтди.
"Ҳаммага хайрли кун. Бугун "Бернабеу"га келган барчага раҳмат айтмоқчиман. Бунчалик кўп одамни кўришни кутмагандим. Бу ердаги мухлислар ақл бовар қилмайдиган даражада. Мен жуда хурсандман, чунки болалигимдан "Реал Мадрид"га мухлислик қилганман. Энди эса "Реал"да ўйнайман. Мен жуда хурсандман, ҳис-туйғуларимни тасвирлашга сўз ожиз. Мен ҳар доим шу ерда бўлишни хоҳлардим. Энди куйлаймиз: "1, 2, 3... Hala Madrid!" – деди Эндрик.
Эслатиб ўтамиз, "Реал" Эндрик трансферини анча олдин эълон қилганди. Келишув футболчи вояга етганида амалга ошди.
