Мадриднинг "Реал" клуби қанот ҳимоячилари Дани Карвахаль ва Ферлан Менди билан шартномани 2026 йилгача узайтиришга қарор қилди. Бу ҳақда AS нашри хабар бермоқда.
Эслатиб ўтамиз, ҳар икки футболчининг шартномаси 2025 йилнинг ёзига қадар амал қилади.
Ўтган мавсумда Карвахаль барча мусобақаларда 41 та ўйинда қатнашиб, 6 та гол ва 5 та голли узатмага муаллифлик қилган. Transfermarkt порталида берилган маълумотларга кўра, футболчининг бозор қиймати 12 миллион еврони ташкил қилади.
Менди 2019 йилнинг ёзидан буён испан гранди сафида ўйнаб келмоқда. Бу даврда у барча турнирларда 170 та учрашувда қатнашиб, 6 та гол ва 10 та голли узатмани амалга оширган.
